लालसागरमा डुब्यो अलसलाम १३०० यात्रीको मृत्यु भएको आशंका, १०० सकुशल उद्धार…
सउदी अरेबियाको दुवा बन्दरगाहबाट १४१५ यात्रु बोकेर इजिप्टतर्फगइरहेको एउटा पानीजहाज शुक्रबार रेड-सीमा डुबेर बेपत्ता भएको छ। बन्दरगाहबाट हिँडेको केही समयपछि नै जहाज बिहीबार मध्यरातमा राडारबाट अदृश्य भएको थियो। अल-सलाम९८ नामको सो जहाजमा १ हजार ३ सय ७२ यात्रु तथा अन्य चालक दलका सदस्य थिए। यात्रुहरूमा अधिकांश मक्कामा हज गरेर फर्किरहेकाहरू थिए।
अलसलाम-९८ जहाजको दुर्घटना स्थल, लालसागर
अमेरिकी टेलिभिजन च्यानल सीएनएनले जनाएअनुसार शुक्रबार रातिसम्ममा १ सय जनाको उद्धार गरिएको छ १३०० यात्रीको मृत्यु भएको आशंका गरिएको छ भने १ सय शव फेला परिसकेको छ। सो जहाज १८ घण्टाको यात्रापछि इजिप्टको साफागा बन्दरगाहमा पुग्नुपर्ने थियो। जहाजमा क्षमताभन्दा १ सय यात्रु बढी रहेको र अधिकांश इजिप्टका नागरिक रहेको जनाइएको छ।
श्रोत : सि.एन.एन. न्यूज
