नक्कली भाइरस
अबैध रूपमा इन्टरनेट चलाउनेहरूको नेटसञ्जालमा नौलो किसिमको भाइरस फैलिएको छ । कम्प्युटरको विन्डोज सिस्टममा आक्रमण गर्ने सो भाइरस एफबीआई, सीआईए र जर्मनीको पुलिस एजेन्सी बीकेएबाट पठाइएको झूटो चेतावनी आफैंले दिने गरेको छ । नेट प्रयोगकर्ताले एक किसिमको प्रश्नावलीसहितको सूचना देखेपछि र उक्त सूचनामा उल्लेख भएअनुसारको प्रश्नावली भरेपछि भाइरसले कम्प्युटरमा प्रवेश गर्छ । उक्त भाइरसका अरू संस्करणहरू पनि प्रकाशमा आएका छन् ।
विन्डोज कम्प्युटर प्रोग्राम निमार्ता कम्पनीका भाइरस सुरक्षा निकायले भने इन्टरनेट प्रयोगकर्ताहरू झूटो विवरणमा फस्ने गरेको बताएको छ । गत नोभेम्बर २२ बाट यो भाइरस फैलिन थालेको विशेषज्ञहरूले बताएका छन् । भाइरस कम्प्युटरमा इन्टरनेट खोल्नेबित्तिकै तपाइर्ंले गलत साइट खोल्नुभएको र तपाईंको आईपी लग भैसकेको सूचना जारी गर्छ र प्रश्नावली भर्न लगाउँछ । उक्त प्रश्नावली भरेर ओके गर्नेबित्तिकै भाइरसले कम्प्युटरमा आक्रमण गर्छ ।
यो भाइरस इमेलमार्फत पनि कम्प्युटरभित्र छिर्न सक्छ । उक्त भाइरसको ७० लाख प्रति कपि इन्टरनेबाट फैलाइएको वेस्नसडे पोस्टिनी नामक एक एन्टी भाइरस निर्माता संस्थाले जनाएको छ । यसै परिप्रेक्ष्यमा एफबीआई र सीआईएले तीसवटा अबैध इन्टरनेट वेबसाईट संस्थाका सञ्चालकहरूलाई पक्राउ गरेर आफ्नो संस्थाको नाम दुरुपयोग गरेको तथा इन्टरनेट संजालमा नक्कली सूचना राखेर भाइरस फैलाएकोमा सोधपुछ गरिरहेको छ ।
